Thadou leh Kuki thu a kei ngaidan
Boina thei jong ahi poun lamkai masa mingol ho jeh ahi. Mingol kati hi ama jong um maithei hinlah hoitah a boina ho ivet le mingol sang a khohjo nalai ahiuve. Amaho jeh in tunichan a iboi jing nalai uvin khandong ijat ham lungthim asuhset be nalai ding aum e. Hiche boina theilou boina changpahmae lhoh in asuhlhap theilouna jeh hi lamkai di thanoum, thunei di thanoum, minthang di thanoum hinlah hetna-chihna nei lou lamkai kahe ti ho jeh ahi. Hitobang mi chu ihi noum le hitobang hina di nei ngaiya ahie. Thadou ho'n achepiu chu Thadou hi Hmar, Paite, zou, etc ho toh level khat a um khom'a Thadou pao hi *Kuki language* ti lou ding.Ajeh chu ethnic dang jouse jong Kuki noiya um ahi ti ahi. Kuki hi nomenclature ahin tribe hithei pounte atiu ahi. Dih jong adih a dih ahi. Hinlah tulai thilsoh ho ivet le Kuki kiloikhomna thilbawl jouse tobang hi Thadou kiloikhomna ho'n adoudal jing kit uvin aphamo lheh jeng in, damna ding sawt lheh nalai ding aum e. Langkhat a, Kuki pro ho'n a...