A brief, short history of Israel, the Palestine-Israel conflict, and a comparison of Israeli society and Kuki-Zo society.

 

Ancient Israel Kingdom

Modern day Israel State

Before & after 1948 & 1949 

✍️ AstroMuon Kuki

Israel thusim hetna ding Mesopotamia Civilization apat veute.Hiche lai chun Egyptian Empire South lang a aum in,North West(modern day Syria) lang a Assyrian Empire aum in,akah a Israel gamneocha ana um e.Hichelai chun Israel gam Southern Kingdom(Judah leh Benjamin chilhah) leh Northern Kingdom(adang dang ho) in akihom khen in, Israel capital chu Samaria anahie.Hiche Israel gambeh chu Assyrian Empire in 722 BC in ana kilah e.Israel Kingdom hi 900-800 BC vella umpan,Jerusalem hi Old Testament(Bible)Era of Patriarchs khang tichu Abraham,Isaac leh Jacob khang a kimu masapen ahi.Jacob chun cha 12 anei a tua Israel gam semdoh hohi ahiuve.Jerusalem hi Jews te bouva gamthengmun ahipoun  Christian leh Muslim te dia jong ahi.Hiche hou thum ho'n atahsan hi Abrahamic religion(monotheism) tia het ahi.Hetding chu Hebrew Bible hi 1200-165BC kah a kisunna ahi.

Leng David chapa Solomon hi Jerusalem temple samasa pen  ahi.Hiche phaat hi  970-931BC sung,avetsah noumpenJerusalem hi Christian leh Muslim te sang in Jews te'n atoupha masai ti ahe.Ajouva kisei bang a Israel Kingdom hi Assyrian Empire in gal in ana akilah e.Hiche Assyrian Empire hi Babylonian Empire in anatou pha kit in.Chomkhat jouvin Persian Empire in atoupha kit in,aban in Greek Empire(Alexander te great) in atoupha'n Indus Valley(India) chan ana touphai.Hichelai chun Alexander in Jews te galsat ding India gei anapuie.Jews mi tamtah India leh South East Asia lah a ana vahmang den uve tithuhi thusim a jong muthei ahi.Eiho jong khat ihiuve(based on genetic study:https://genomebiology.biomedcentral.com/articles/10.1186/gb-2004-6-1-p1 )

Greek Empire chu Roman Empire(Julius Caesar) in anajou kit in,Jews te Roman khutnoiya akum kum'a aum kit uve.Roman Empire hi Eastern Empire leh Western Empire in akihomkhen e.Eastern Empire capital chu Constantinople,Western capital -Rome.Hiche phatlaiya Roman te'n Jews te hi Europe,North Africa leh Middle East lah a galsatding apuile jiuve.Hichejeh a Jews te muntin thangdeh hiuva ahi.Roman te hi Polytheism hou tahsan nammi ahiuve.Nisa,lha,ahshi,thingphung le songphung houte ahiuve.Hichejeh in Jews te sakho(monotheism) in boina ima aneipouve.Boina umlouvin Jews te'n pathen noumtah in akihouthei uve hinlah akhanse lheh uve.Jesu Christa cross a Rome Sepoy te khetsah chu Jews te ahiuve. Roman Empire(Eastern Roman Empire )hi Jesu thijouva Christian ngen akisohgam uve.

Nothing lasts forever akiti bang in Roman Empire chu Germaniac Barbarian Tribe in atoupha kit tai.Hiche lenggam jong Byzantine Empire in atoupha pai kit e.Hiche jouvin Islam(Muslim) hi  Mecca(present day Saudi Arabia) khopi apat ana kisemdoh e.Seljuk Dynasty(Muslim lenggam) in  Jerusalem khopia Christian ho athachimit jeh in CRUSADER  hung pendoh a ahi.Crusader hi Roman Catholic(Christian) te'n Muslim  khangsetna phulahna dia asem ahi.Crusader te'n Europe apat Christian hilouphot  athat chimit phei uve.Jews ijat ham Mediterranean pang a khosa ho hinkho tamtah jong alauve.Ajeh chu Jesu Christa that chu Jews te ahiuve ti ahi.Hiche phatlai chun Jews te'n Caffa(Black Sea) a poison alhah uvin Christian tamtah athat uve thulamleng umjeh in France Kingdom a Jews umho Christian convert akibolnoum louleu gam dalha hen tia thupeh ahiuve.Atamjo France leh Spain adalhauvin Mediterranean sea leh Ottoman Empire(Muslim gam) sung ah acheng uve.Ottoman Empire in Eastern Roman Empire(Constantinople)atoupha jing e.Ottoman Empire hi tua Middle East Arabs gam ho khu ahi.Turkey hi Ottoman Empire capital.Vannoi Muslim te vaihomna hi Turkey mun ahi. Poland leh Lithuania lenggam ahat lheh  jeh in,Jews 2 million ana chenglut kit uve.Poland leh Lithuania kigoma Polish-Lithuanian Commonwealth kitilhon ahi.Gam hattah ahijeh in akimvella gamho:Russia empire,Prussian Empire(Germany) etc in anasat uvin Jews lakhs a sim ana that kit uve.

Jews te chenna muntin'a suhgenthei ahiphat uvin HOMELAND neina ding Zionist movement vannoi leiset a apan tauve.Jerusalem apat gamla jongleu nation aneinau abeipon ahi.

Hiche laitah hi FIRST WORLD WAR hung suo laitah ahi.British te'n Jews te lungtup ahet phat in kitepna anabolpie.First World War  British dia galsatna anei leu HOMELAND apehdiuvin BALFOUR DECLARATION ana nei uve.Allied Powers(British) in galpi masa chu ajoutan ahi.Galpi masa in Jews tamtah amaho leh amaho ana kithattuo uvin Jews population ichan ham in ana nemlheh e.Russia Jews(allied Powers) leh Germany Jews(Central powers) tamtah akithatto u've ijeh inem itile aumna gam dia galsat ngen ahiuve.Muntinna Jews te aum uvin,agam cheh uva galsatna anei vang uvin loyalty hinau question ahi jing e.1st World War kichai jouva Hitler in anti-Semitism alhangsap jeh a 6 million Jews lang Concentration Camp ah ana that e..Hiche jeh chun British kitepna dung juiyin Jews te  Europe leh US apat British Palestine a akichonlut sah jing uve.British in 1st World War ajo phat in Ottoman Empire atoupha tai.Hiche Ottoman Empire hin Arabs gamsungse ahop (including Palestine). Palestine chu British Palestine kisoh ta'n ahi.British in Israel te Homeland apehgot nalam'a Jews te Palestine akichonlut sah ahi.Arabs ho'n mi million sim Jews kichonlut amu phat uva Jews te toh ui-le-kel hung kipatna ahitai.Hiche apat amaho kikah tuchan boi jing ahitai.1st World War to 2nd World War (1914-1945) kikah hi UNIPOLAR WORLD akiti.Gamhat pen in leiset pumpi adeidei alo theina phat sung,hiche sung hi BRITISH(England) te lelna.Hitler in Jews te tamtah athajeh in 2nd World War in Jews te'n Germany leh akiloipi ho adouvin ahi.Nazi Germany jong gal lelna lang in ajaotai.British in Israel Homeland apeh gotle Arabs Muslim leh Israel kikah aboi jing jeh in Israel Homeland thuhi United Nations boipi ding apedoh tai.

UN in British Palestine hopthum in akhen e:

1.A Jewish land(Israel)

2.Arab areas(Palestine land-Gaza & West Bank)

3.Jerusalem(under UN control)

Jews te'n UN partition plan apom jeh uvin HOMELAND chu 14th May 1948 in amutauve.1947 apat 1991 chan BIPOLAR WORLD akitie.Hiche phaat hi vannoi a hatpen US leh Russia kikah COLD WAR umlai ahi.Vannoi gamho'n hiche teni khatjoh sang apanpi ngaiya ahi.India in Russia lang ana panpi'n UN kisan a Palestine panpina thu asei e.Russia alhen jeh a master pa bol akin ahi.India jong British in ana toupha jeh a British engkalna a Russia support bol ahi.Cold War a US in Russia ajo toh lhon a 1992 apat India in Israel apanpi jing e.Bipolar World kichai le MULTIPOLAR WORLD phatsung ahikit e.Gamkhat in ama thaneina neita,anoup noup toh kiguijop thei phat,khat toh nakigui jople khat nagalmi hipaidi tina phat a um ihitauve.India vang tuchan in NON-ALIGNMENT(neutral) maintain abol jing e.US toh relationship anei hoi in,Russia toh jong anei jing e.India te galvon manchah tamtahhi Russia apat ngen,hinlah tulang hin US apat galvon atamnei pe e.Tua hi US in Israel support abolle India in jong bol jeng.Israel in 14th May 1948 chamlhat amu in, ajing nikho 15th May in Arabs gamho'n(Egypt,Jordan,Iraq,Syria,Saudi Arabia,North Yemen leh Lebanon) Israel ana douvin hinlah ajou pouve.Hiche hi 1st Arab Israeli War akitie.2nd Arab Israeli War hi 29th Oct 1956 kipan, Suez Canal kichujeh ahin Israel toh Egypt kidouna ,Israel in ajouve.

3rd Arab Israeli War hi 5th June 1967 kipan,gal hi June War or 6 Day War tia het ahi.Arab gamjousen Israel adouvin ajoudeh pouve.Hiche gal a hi Gaza Strip,West Bank leh Sinai Peninsula  Israel in alahpeh a tuchan atoupha ahi.Arabs te'n Israel adou jing nalam'a agamnei sung u jong Israel in alahpeh gam in aumtai.4th Arab Israeli War hi 6th October 1973 kipan,hiche galhi YOM KIPPUR WAR tia jong het.Egypt leh Syria in Israel te thilloupi tah mangnia suprise attack abol lhon in hinlah Israel in gal jona aneikit e.Cold War lai ahijeh in Russia in Arabs apanpi in ,US in Israel apanpia galmanchah Mediterranean sea a asollut pai.Tukum Israel-Hamas kidou tobang ahi.Israel galjona anei jeh a Arabs gamho'n Israel leh apanpi ho thaoman(oil prices) ana khangsah e.OIL CRISIS um masat kum(1973) jong ahi.

1975 a Egypt leh Syria in Israel toh galnei kit lou dia kinouptona anei jeh a 3rd Arab Israeli War a Israel  gamlahna Sinai Peninsula Egypt anungpet kit,Golan Heights thamkhat jong Syria ape nungkit e..1991 hi Israel leh Palestine in Oslo Accord akailhon a,Israel in Palestinian Liberation Organisation(PLO) hi Palestine gamsung a thaneina apeh patna ahi.1996 kum in Palestine election masapen ana kibol e.

2000 kum chun Palestine kiphinna(intifada) anina anaum e.Akhatna hi 1987 Hamas hung kisem kum ahi.2000 apat Muslim ho suicide bombing bol aum jing toh lhon a Israel in amipite(Jews) venna dia 2002 apat WALL CONSTRUCTION abol pan ahi.Israel mipite safe louphat a Gaza strip Jews te jong 2005 a Israel govt in ana lhohdoh tai.Israel govt in WALL CONSTRUCTION aboljeh a Gaza leh Israel kikah kiboi jing peh ahitauve.2014 in jong akiboi uvin,2021 in jong vannoi hetding ana kiboi uve.Donald Trump in 2017 in Jerusalem hi Israel capital in aphongdoh e.US ambasssy Tel-Aviv apat Jerusalem ana chon e.Jews te lungtup jing asuh bulhit peh in,Iran te nuclear sem jong warning anape e.2021 Israel Palestinian conflict jeh ho:

1.Sheik Jarrah a Palestine galjam innsung 6 kinodoh jeh.Palestine te'n agam danna claim bol, Supreme Court akihehleu joulou,Israel Supreme Court in kichondohdi na nouplouleu rent thamkhat peuvin lang um uvin ati jongle noumlouva Court mai chu mei a ahal u ahi

 2.Israel Police in Al-Aqsa raid abol jeh

3.Hamas in rocket 3000 val Israel sung akap jeh .

Israel Arabs kiboina ivetle boina sem masa hi Muslim te ahijing uve.Israel te lungneng dan gal a gam alah peh hou  anungpeh nalai ahi.Muslim te hi hopni a kikhen ahiuve.Sunni Muslim leh Shia Muslim,Sunni Muslim te hin dominate abol.India Muslim tamjo jong Sunni Muslim te ahiuve.Amahohi Shia Muslims te sang a phamo jo ahiuve.Hamas te jong Sunni Muslim lamkaina ahi.Amahohi chamlhat galsat a ikoi maithei u ahin adihtah chu terrorists ahiuve.Chamlhat galsat(freedom fighters) chun amipite ding agel ngai,alungtup sang a a mihem hinkho value joh tei ngai ahi.Mihem umlouva chamlhat mu go chu chamlhat galsat kiti theilou ahi.Terrorists kiti chu nunao chapang lungsetlou,milham kipuimang ji,galte sat jeh a imipite sang a sim gentheisah ahi.UN Partition plan kibol Palestine te'n sangthim leu tunikho hibang a genthei loudiu ahi.

Eiho society toh Israel te ding mun:

Israel te hi kitohdia nagelle nagel khel di ahi.Amaho kah jong eiho bang a lunggel kibahloujeh a kina jing ahiuve.Orthodox Jews te'n Zionists Jews ho amunoum kitlou,khutima Zionists Jews hon orthodox Jews te amunoum dehlou ahi.Orthodox Jews te hi BC khang apat Jerusalem a cheng jing,Zionists Jews ho hi Europe,Middle East leh vannoi munchom cheh apat kinungle kit ho ahiuve.Orthodox Jews te toh Arabs(Muslim) te hi Ottoman Empire laiya jong chengkhom hingkhom ahiuve.Hiche phatlai a tua Israel gam jong Palestine kiti ahi.Jews, Christian leh Muslim chengkhomna gam ahi.Orthodox Jews te hi loulhoumi(farmers) ngen,app bih bep,khangtouna ima neilou ahiuve.Israel gam hin semdoh hi Zionists Jews te ahiuve.Gamdang apat hetna leh chihna nei ngen,anam ngailut jeh a kinungle uva vannoi hetdia Israel tungdoh te chu ahi.Pu-le-pa apat midang thuneina jeh a vannoi kithecheh uva ,mite'n gentheina simsenlou apeh,aumnauva umkhomlou jeh a minority hijeh a midang in control jing ahi.Hoilaimun ah um jongleu alungsung uva gamngailutna(nation) anei jeh uva koima'n asuh chimit joulou nammi ahiuve.Nation hi State/territory jaolouva neithei ahin State/Homeland chu Nation jaolouva muthei hilouhel khat ahi.Eiho Kuki-Zo chate jouse jong iumna jouseuva minority ihijeh uvin mite noise jing ihiuve.Chittagong Hill Tracts(Bangladesh) a umho hihen lang Chin Hills(Burma) a um ho hihen lang North East India umho hijongleu hen gamtum(Homeland) tupettah a neihih jongleu hen Nation ineilaiseuva HOMELAND  ngaina beidi ahipoi.Jews te bang a eiho jong iumnau gamhoa ihinau(identity) question akibol jing in ahi.Hijongle sopite lunggim poute,lunglhadai poute ,Jews te bang a HOMELAND imu niule hitobang thu umta pounte.Hijeh chun eiho kah lunggel(ideology) kibahlou jeh in thase poute.Vannoi leiset a chamlhat galsat ho lunggel(ideology) akibangsoh poi,kibahlouna laitah chu hatna a mang ute.Pangkhomdildel(Unity) jong ingaicha pouve.Eiho ngaichat hi kihetthiemtona(understanding),kithomkhomna(collaboration) leh lungtup kibang(common goal) neidi ahibouve.Israel te jong nampi'n angaichat laitah a gamhuh dia innlang adel bang in; eiho jong pupagam huhdoh ding gotsan um ute.Tahchapa,Tahchanu!