NA THI PHAAT LE HOILAI NACHE DING HAM?(Keima hypothesis Science apat ana veu te)

First law of thermodynamics chun Energy kiti hi akisem thei poun akisuse thei poi hijongle munkhat apat mun dang khat a vang aki chon thei dan aseiye. Vannoi kisem jouva chu Energy, Time le Matter hung um bep ahi'n hinlah thermodynamic sei toh aki kalna khat um ah ahi. Albert einstein's in jong energy le matter  kikheltuo thei dan asei kit e(E=mc²). Energy chu akisem thei lou le matter jong khutima hi ding tina ahae. 

Tu'n hetbai lam thei ding energy le matter kikheltuo dan sei ute. Mihem jouse hin hinna dia bu-le-mae ineh jing khat u ahi. Bu le mae chu matter ahi'n hiche chu naneh phaat le thahatna Energy apeh doh ahi. Grapes, apple le ipi thei hi jongle naneh khat chun tha pehdohna aneiya hiche jeh a chu hing jing thei ihiuve. Thil jouse hin Energy anei soh kei bang'a wave jong jatchom cheh inei uh ahi. Energy hi munkhat apat mun dang ache phaat ule vibration(wave) a che jiu ahi. Hiche wave/electromagnetic wave chu mihem mutheiya jong um, mihem in amu phat louva jong um ahi. Mihem mit in amu phat sung hi 400-700nm kikah bou ahie. Mihem mit in manchah(instrument) jaolouva amu phat lou ho chu manchah microscope/telescope jang'a vettheina um kit a ahi. Mihem te'n kho khat apat kho dang che theina lampi(road) ngaichat bang a Energy jong mun khat apat mun dang ache theina dia lampi anei kit ahi. Na dongma toh um khom jing thei lhon lou hi jongle chun na energy ho'n kilhondel a achethei jing laisea lungsetna chu det jing ding, energy dang vah le khat toh kitatuona(interference) anei khah phaat le hung boi bep jiy ahi. Hiche energy wave a che thei chu mit a mu thei hile kicheh sel ding ahi(Double slit experiment a energy che tobang hi dia kaginmo ahe) 

Tu hin thusim khat ana veu te. 

Mr Bean kiti pa hi  mitotse tah le kholjin(traveller) mun mi khat ahi. Nikhat USA apat Manipur kholjin ahung na ah vanleng/huikong(aeroplane) chun tosetna(accident) atoh in alei hinkho abeitai. Ama hinkho bei ni jaan chun angailu dehset lhon jaanmang jeng in jong ana mu uve.Jing nikho khovah in atah dan thusoh ah amu uvin alainat pi lheh jeng uvin ahi. Mr Bean thijou hapta khat jeng in jong angailu dehset ho'n jaanmang in amu jing na lai uvin ahi. Hiche keu hilouvin adamlaiya kholjin na mun ho'n jong alha alang jing nalai in ahi.

Mr Bean lha chu bolla um jing a, alei hinkho bei ni jaan a bolla jaanmang a mu um thei ham? Chung lang'a isei bang uva energy hin che theina lampi wave anei ahi. Na ki ngailut pi khat hinkho abei le ama energy atahsa a um chu gangtah a beiya , nangma in na hetthei(feel) ahi. Nangma in na hetthei dan chu ajat jat a hung um thei, jaanmang a jong hung kilah thei, oum-le-bel jong hung gin thei, jatchom cheh a hung um thei ahi. Hinlah hiche thil na mu ho chu illusion ngen tobang a na het ding ahi. Ajeh chu ama energy wave chu mun dang che ta louva nangma kom bouseh ahung phaat a nangma energy toh compatible jou louva overtake jeh ahi. Adamlaiya ama energy chu atamjo ama tahsan ajah ahi'n ama thi phaat a energy ho chu aki ngailut pi ho heng'a che ahitai. Ama energy tahsa um chu hui(air/energy) kisoh ahitai. Hichepa/hichenu alha alang e kiti jiy ho khu energy ahi bouve. Ama energy chu ama lim-le-guon a jong kisem kit thei ah ahi. Hiche jeh a phaat ijat che jong le ana che masa ho haimil a um thei louna jeh hi ama ho energy toh eiho a allign um thei nah lai jeh ahi. Tahsa thi ta jong le energy vang tonsot a um jing ding ahi. Tahsa thi jouva iti um ding ham vang hetchilna aum poun hi jongle thermodynamics apat tonsot a um jing thei ding dan het doh thei ahi. 

i-thi phaat ule hui/energy ikisuo diu ahi. Hiche energy dimension sung'a iti khosahna um ding ham vang het ahi nai poi. Eiho hi Time pum'a 4th dimensional world a chen ihiu vin, tahsa bei phaat le ijat dimension world a chen ihi diu ham vang het ahi poi. Hiche mun chu hou(religion) apat in Vangam(heaven) ti'n jong ihe uve. 

(Keima tahsan dan in vang tahsa bei phaat le memory jong kinei thei nalai in te katie. Tahsa thi ta jongle tahsa hing ho toh kihouthei ding dan jong ngaituo uvin te kati jiy het e)