EINSTEIN'S TWIN PARADOX/TIME DILATION-PART 1

 ✒AstroMuon Kuki

Einstein twin paradox hi time dilation jeh a hithei ahi bang a time dilation jong Special Theory of Relativity jeh hikit ahi. Hijeh chun RELATIVITY ipi kiseina ham anaveu tin aban le Twin’s Paradox ve kit ute. Albert Einstein chun milham ho hehtthei tei ding gelna'n hitin aseiye, “ilungset kom a pungkhat sung itou khu second khat tobang ahin;second khat thilsa kom a itou khu pungkah khat abang e. Hiche hi RELATIVITY ahi” atie. 

Vannoi a michingpen dia jong het Albert Einstein in adamsung a abawl chu RELATIVITY thu ahi. Hiche hi eiho'n minute 5 jong lut louva isim diu ahin hetthiemlouna nanei jongle awlmo hih in, velsim kit in! 

Theory of Relativity hi hopni a khenthei ahi. Special Theory of Relativity(STR) leh General Theory of Relativity (GTR). STR hi 1905 kum a pohdoh ahin GTR hi 1915 kum a pohdoh ahi kit e. Special Theory of Relativity hin Time Dilation, length contraction leh Time travel thu asei in. General Theory of Relativity in gravity thu asei in ahi. Planets leh leiset in Nisa(Sun) avelkuol dan hi warping of Spacetime jeh ahi dan jong GTR in ahilchen tha in ahi. 

Theory of Relativity in postulate ni abawl in ahi. Khat chu Laws of Physics hi munjouse a akibang e. Khat kit chu Light Speed hi hoilaimun hile observer ho dia akibahsoh dan thu aseiye. 

Classical Relativity in vannoi a thilho hi relative tah a aum dan aseiye. Vannoi a thilho hi achejing jong aum poun, thilho hi aki nga jing jong aumpoi.Leiset jong kipei jing,Nisa(sun) jong kipei jing keu hilouva vannoi a thilho hi chatloh jing ahi. Achatloh hattah khat toh ahat lou tah vetkahna aum kit phaat le achatloh louva kimu kit ahi. Tekahna in,naloi khat airport naga thah in ama lenna(aeroplane) a America che ding alengdoh  tai.Ama mitmu a(observer) a chatlohlouva(stationary) a um akihet keu hilouva airport a um nang joh achat(motion) a amu di ahi. Airport a nangma mitmu a amajoh chat a(motion) a namu keu hilouva nangma chatloh louva(stationary) um a nakigel kit ding ahi. Hiche laiya pat hetthei chu eima mitvet bouva dih hilouva khat mitvet dia jong dih dan ahi. Hiche hi RELATIVE kiti meaning chu ahi. Hiche hi observer leh frame of reference a ki ngap dan mudoh thei ahi. 

Hetdia poimotah khat chu Relativity akiti phat le phaat(TIME) hi jaolou theilou ahie. Time jaolouva Relativity hi bulhing louhel khat ahi. Relativity in TIME thu asei poimotah ho gah veute. 

•    Thilkhat(object) chu speed of light pha deh chet a achephat le phaat hi awlche jiy ahi. 

•    Thilkhat(object) chu speed of light toh kibang a ache thei le phaat ki nga jeng ahi. Phaat(Time) kiti umlou ding tina ahie. 

•    Thilkhat chu speed of light sang a hatho ache thei le phaat nungche ding ahi. Tuchan in vang speed of light khel a che thei ima aum nai poun ahi. Tachyon kiti ache theiye tia internet a namu maithei ahin hinlah imaginary mai ahibouve. 

•    Thilkhat chu speed of light aphaat kuon phat le mass akhang jing in, infinite mass of energy aum loule speed of light che thei lou ding ahi. Hiche jeh a phatchesa inung che theilou u ahi. 

Tu'n Einstein Twin Paradox hetthiem na ding thusim khat ana sei ute. Galngam leh Ngambom hi pienkop ahi lhon in, Ngambom hi lekha athiem in asopipa sang in in achingjo in ahi. Hijeh chun khonung in Astronaut training abawl in Space a che ding aum tai. Galngam vang businessman khat ahin leiset a um den ding aum tai. Ngambom jong astronaut training achai toh kilhon in Spaceship a chun Space jon in achetai. Khonung a Space apat ahung kile chun asopipa Galngam chu ana teh tan cha-le-nao jong ana nei in, acha teu toh Ngambom kum chu akibang tan ahi. Hiche hi Einstein Twin Paradox chu ahi. Space a ga che pa chu leiset akinung le teng leiset a um pa sang a khangdong jo ding tina ahi. Hiche hi phaat kikhel jeh ahi(Time Dilation).Time dilate um theina jeh chu Galngam Space a chepa jeh ahi. Laimun a frame of reference a kila hi Leiset ahi. Frame of reference a thilkhat akilah phat le hiche thilpen chu chatloh louding tina ahi. Hiche mun a pat thilsimna/thil hetna nei ding tina ahi. 

Achung a Galngam leh Ngambom thusim iseinauva hin inertial frame of reference khel leu hen adin mun ding anaveute. 

•    Achung a thusim a chu Leiset(Earth) inertial frame of reference ilah jeh uva Space a che pa Galngam leiset ahung kile a khangdong nalai ahi. 

•    Tu'n Galngam che na Spaceship chu inertial frame of reference a la leu hen Universe in traveling abawl ding, leiset a um pa Galngam khangdong jo ding, Space a che pa tehse ding tina ahi.Hiche apat hetdoh thei chu frame of reference poimo dan ahi. 

•    Kum ijat a kikhe ding ham hi spaceship hat le ngan a ki ngam ahi. Spaceship ahat laisea kum kikhehna tam ding, angan le tamlou ding tina ahi. 

Tun i-thusim sei u hetbe na ding thusim dang khat Humpty leh Dumpty thusim sei utin maths jang a proof ana bawl ute. Humpty leh Dumpty hi pienkop ahi lhon in kum 20 alhing lhon taan ahi. Humpty jong alungtup astronaut achai toh kilhon in ama jong Space jon in Spaceship mangcha in ache tai. Spaceship hatdan jong speed of light sang a 0.8 a gang a leng thei ahi. Kum somnga(20+30) jouvin Humpty leiset ahung kile tai. Hinlah leiset a ana um Dumpty vang kum 70(20+50) ana lhing tai. Anoiya ki proof na hi ven.

Achung'a Twin Paradox isei houhi accleration/velocity apat isei u ahin aban a Einstein's Twin Paradox(Part-2) phat le hiche khu jaolouva pure relativity apat hilchen keu hilouva proof jong maths apat ibawl diu, time dilation ijah nau le real-life a lolhing dan jong isei diu ahi. Tua isei houhi bailam thei pen isei u ahin part-2 hi thamkhat complicated jep dia tahsan ahi😊

“Our astronauts, when they go orbiting around the earth, they actually come back slightly younger than a twin that they would have on the planet Earth who was stationary. This is called the twin paradox.”

— Michio Kaku