AstroSpaceTech

 ✒AstroMuon Kuki🚀🛰🌙🪐💫 Vannoi kichai ding dan iseima sang'a hetdia khohtah chu itobang vannoiya chen ihiu ham veute. Aleksander Friedmann in vannoi hi achatjing(dynamic) ati tolhon in assumption ni jong abol e. Hichu cosmological principle tia minvo ahi. Khatna chu, vannoi hi hoilamun hijongle ivetna mun jousea pat akibang'e(the universe is isotropic) . Anina chu, vannoi hi hoilaimun kiche jongle akibangsoh e (the universe is homogeneous). Hiche tolhon chun parameter thum asemkit e.  1.H, vannoi khangdan hetna 2.Omega, vannoi average density tena(measurement)  3.Lambda, empty space /Dark energy hetna Omega hi khat sang'a alhom joh le vannoi hi atonsot a khangjing ding, open hi ding, curvature negative hi ding,parallel lines kisuto lou ding, interior triangle degree 180 sang'a lhomjo di ahi. Hiche hi sakol chung'a touna "Saddle" tobang hi ding ahie. Vannoi guon(shape) omega khat sang'a alhom joh leh hitobang hiding ahi.  Amavang omega khat sang...

✒Astromuon Kuki🚀🛰🌙💫 “𝙈𝙮 𝙜𝙤𝙖𝙡 𝙞𝙨 𝙨𝙞𝙢𝙥𝙡𝙚. 𝙄𝙩 𝙞𝙨 𝙖 𝙘𝙤𝙢𝙥𝙡𝙚𝙩𝙚 𝙪𝙣𝙙𝙚𝙧𝙨𝙩𝙖𝙣𝙙𝙞𝙣𝙜 𝙤𝙛 𝙩𝙝𝙚 𝙪𝙣𝙞𝙫𝙚𝙧𝙨𝙚, 𝙬𝙝𝙮 𝙞𝙩 𝙞𝙨 𝙖𝙨 𝙞𝙩 𝙞𝙨 𝙖𝙣𝙙 𝙬𝙝𝙮 𝙞𝙩 𝙚𝙭𝙞𝙨𝙩𝙨 𝙖𝙩 𝙖𝙡𝙡.” Kho ka hin hetthei apat i-kimvel uva nisa,lha,ahsi,vanlaijol a thil um ho leh thilsoh ho hin kana lunggim ji lheh in hitolhon chun hetnoumna lungthim muchi chu awl-awl in ahung khang jing peh in ahi.Jaan tiengleh chung'a ahsi ho kave'n nikho khat leh mihingte jong vanlaijol ah chen hen lang leiset hin kive suh leh ka ti ji lheh e.  Vannoi(universe) hite ahin leiset tobang mun khat beh a umtei inte jong kati'n ahi.Ajeh vannoi ahin 100 galaxies val aum in galaxy khat ahin 300 billion stars val aum kit in ahi(Nisa jong hi star khat ahi).Khonung leh ban(wall) ah kilhaile thei hen lang,kimanthei(invisible) hen lang,mihing lungthim kisimthei hen lang,ilungthim in mi ki-control hen lang,vanlaijollah vacha bang in kileng le thei le katijiy e.Class-v kasim kum in...

✒AstroMuon Kuk 🚀🛰🪐💫🌙 Russian ahshithiem(astronomer) Kardeshev chun vannoi hi civilization hop li'n ana khen in, tua eiho umna hi 0.7 civilization tin aseiye. Mihem ho hi hen lang ahiloule leiset polang'a chendia ginchat Alien hijongle chondan, hindan, khosahdan, hou,pao-le-ham phaat che dung juiya kikheltei dia tahsan ahi. Hijeng jongle tha(energy) ki jang vang kikhel lou ding ahi jeh Civilization tena(scale) dia apohdoh ahi. Type 1 civilization ho'n planet chung'a Nisa in vah apehdoh jouse kholtup(harvest) theina technology anei di(7×10^17 watts) ,Type 2 civilization ho'n ahshi ho apat kipedoh tha kholtup(harvest) leh bawltheina ding technology anei diu(4×10^26 watts) , Type 3 civilization ho'n vang galaxies ho apat tha veidohna technology anei diu Pathen tobang hidiu ahi(4×10^37 watts). Hiche nikho le chun nang le kei um talou ding, ahshi-eh(Stardust) ikisuo ding ahitai(From stardust we came, to stardust we will return). THE FUTURE OF HUMANITY IS TO E...

  ✒AstroMuon Kuki (7th May, 2016)  Tulai khang hi Digital Age/Smartphone Age ahita'n hijeh a chu kichihthei leh kiven hi thilpha tah ahiye.Mobile phone inei man'a moh jah-jah nakhang phaat ahitapoi.Leiset a object/bodies jouse'n hi radiation/electromagnetic wave pehdohna anei jiu ahi.Mihem tahsa dia hiche hi phaat louna um ah ahie. Hijehchun ka het kham-kham Mobile chungchang thu anuoiya hin kahin tah lang'e. #Mobile phone khat apat adang kijah matthei dan: 1.Caller pa'n a call tieng leh electromagnetic field fon apat akithe thaang in hichu Base Station(BS) naipen'in ana kilah in ahi. 2.Hiche jou phat leh signal chu Base Station(BS) apat switching center(SC) achen caller leh receiver chu atah leh alhem avechil'in ahi. 3.Aban'a SC in signal chu BS(receiver side)kinaipen lang'a apephei kit e. 4.Aban kit a BS in electro magnetic wave apehdoh chu receiver mobile antenna in akilahlut e. 5.Achaina pen'a receiver in line ahon tiengle mini kikah a kihou...

  ✒AstroMuon Kuki Hetna kiti hi athon a kimu lou ahi. Lekha chohna a sum le pai sen ding, phaat tam tah suh lut ding, jaan tieng noup tah a kicholna um lou ahi.  Lekha choh a sim le het jieng thei hi leh pha na lai.. Hichu hilouva het lou tam tah jong-eh vadung bang jeng ah ahi. Hiche ho jouse het ahi phaat leh kholchil/vetchilna um kit jiy, hetna dang inei sa ho toh kijop jiy a thujihna hung kinei doh bep ji ahi.  School/college/uni a lekha kisim tamjo hi kham(job) muna ding tobang ahi. Kham mu na dia lekha sim toh hetna ding mong'a lekhasim ki bang kit lou ahi(Technique chom cheh ahi).  Eiho society mi tamjo hi BA/MA hi jong leh kihoupi thei lou dimset ahi. Kihoupi thei lou kati dan chu lunggel(perspective) neo cha bou nei ngen ahi.Hiche jeh a hi sense of humour nei ki khaat ahi.  Aban leh Research hin bawl ho hi pachat um tah ahi. Research bawl kiti hi hetna bu tobang'a ne noum ho a ding ahi.Lunggel jong alien uvin thu amoh sei pouve.Vannoi a ka ja pen chu...

  ✒ AstroMuon Kuki 🚀🛰🌙🪐💫 Copernican Principle in i-chennao vannoi a-lamdang poi ti jong leh Anthropic principle in vang lamdang dan asei kit e. Hoijoh dih ding ham vang koiman thutanna aneithei deh poi. Vannoi hi force lii in eikang khom u ahi. Strong Nuclear force, weak nuclear force, electromagnetic force le gravitational force ahi. Nuclear force hi ana hat jep le Nisa(Sun) thao(fuels) sot a kichai ding, nuclear force hatmo kitle Nisa vahdoh kitlou ding, gravity hatval kit le vannoi in eijop lih kit diu, gravity hatmo jep kitle dapsa a ithi kit diu, i-vangphat dan u tiding ham leiset hi hinna dia kisuhsel le kitohchet mun "goldilock zone" tah a um kha ahi. Hicheva pat gahsei thei chu i-chennao hi lamdang tah khat ahi. Hinlah langkhat a lamdang louna chu leiset tobang hinna pe thei "Exoplanets" tia minvo hi tuchanna sangsomli val mudoh ahi kit e. Leiset hi planet 8 lah a khat ahin, hiche planet ho chun Nisa avelkuol uvin aumna sung u chu "Solar system...

  1890 a Theodor Herzl in Jaffa leh Jerusalem vilna aga nei a Russia Emperor kom'a kithopina thum dia ache a chu Jerusalem hi Ottoman Empire nuoiya um ahi. 1898 leh 1903 kah a Zionist ideology Theodor Herzl in lhansap laiya chu Jews mi lhomcha bou Palestine a chen u ahi(simkham hilou). Theodor Herzl in ha tah a Jews te chamhatna ding adel vang'a phalpehna koima'n ana peh lou hijongle kum 6 chamlhatna ding abawl sung'a vannoi a mi loupi ngen ana kimupi khah jeh a Jews te ki vaipohna ding lekha a koilut ana hie. Hiche masang'a chu Jews tamjo hi Germany, Russia leh Paris lah a chen u ahi.  First world War (1914) kipat til chun anti-semitism jeh a Jews te Russia apat 3 million hung kuon doh uva 90% vel US a kichon lut uva, 10% ham bou Palestines lah a ki chonlut bep ahiuve.  Jewish agency Paris apat Ben Gurion provisional Prime Minister dia lhendoh ahi a chu Palestinians Jews mi sangsom bou tua Israel State a um ahi. Hiche hi 1920 kum lai bep ahi.  1897 a 1st congress ...

✒AstroMuon Kuki🚀🛰💫 Vannoi ki sem dan isei ding u toh kilhon in akisem poi tia tahsan jong tamtah ana um kit in ahi.Vannoi tahsan thudol mun ni a lhekhen thei ahi. 1.Vannoi  kisem  tahsan ho toh(creation) 2.Vannoi kisem poi,a itih a umjing tia tahsan ho(Materialism). Vannoi akisem poi tia pang hetthei dom ho chu Gold,Fred Hoyle,Bondi,Karl Marx,Friedrich Engels le George Politzer ho ahiu ve.Ama ho tahsan chu "The universe exists in infinite time and because it has no beginning or end,it was not created.Everything in the universe is the result of chance and not creation" ti  ahi.Materialists tahsan hi 20th century kichai got chan vannoi mipi in ana tahsan leh pom  ahi. Lhangvum'a khat a humpi nii um khom thei lou bang a  vannoi(universe) jong mun khat apat kipan tia tahsan toh akipatna aum poi tia tahsanna um khom thei lou ding, khat joh dih lou ding ahi. Hijeh chun Mythology ho ana ve masau te. Chinese Mythology chun vannoi hi Cosmic Egg a kon hung kisem ...

  ✒ AstroMuon Kuki 🚀🛰💫 Vannoi hi 13.7 billion kum vel la "singularity" kiti apat hungki semdoh ahi. Hiche singularity sung'a chu gravity hat tah le mass simsenlou aum jeh a vannoi muntinna pohkeh (bang) ahi. Hichu big bang theory tia minvo ahi.Big bang masang'a chu Space-time jong umlou ahin;ipi um ham vang koiman ahetlou ahi.Hiche hin puodoh chu Catholic priest le physicist George Lemaitre ahi. Hetthei pen dia ahtui(egg) na hon phat le apokehna jeh khu polang sang'a asung hasat joh ji ahi. Hiche bang'a chu vannoi hung kipan ahi. Vannoi kisemtil la chu asat beh jeh a hinna jong um theilou, ima ki semthei lou ahi. Minute 5 jouvel la hydrogen hung kisem'a chujouva Helium hung kisem bep ahi. Hiche teni chu hung kisuto lhonna nisa ahin semdoh ahi. Phaat sottah jou vannoi akhangjing(expanding) phat a hung dap suh a 4.5 billion kum vel la leiset le solar system hung kisem bep ahi. 3.8 billion kum vel la leiset a hinna thei oranisms hung kisemma biology hung u...

 Battle of Gravelines chu 8th August 1588 kum chun Spanish le France teni kidou jeh in ana piendoh e. Armada Spanish kuong chu alien in, agih jong agih in, alet dungjui in angan lheh kit in ahi. Langkhat a English Naval kuong chu neocha ahijeh in agang in, ahehdan jong anuom lheh e.Hijeh chun hiche battle chu English Naval kuong in ana jouvin ahi.Ipi jeh inem itile "Fluid dynamics/mechanics" ahet jeh u ahi.  Armada Spanish in alel jeh chu "drag problem" jeh ahi. Anungkai di tamval jeh a hatjou lou ahin hichu English Naval ho'n ahet jeh uva "drag problem" solve akibawl ule galjona chanlo ahiuve.   ( Hinkhoa jong eikai nung ding atam val tiengle losapna ichung'a achu jiy in hijeh a English Naval kuong bang'a eikai nungthei ho apat huidoh di dan kivetchil jing angai e)   "Fluid Dynamics" khang chu ahung kichai ta'n aban in 17th December 1903 (10:35am) chun Wright Brothers teni'n anaum khalou vanleng ahin semdoh lhon in ahi. Asem...

  Pathen in ama lim-le-mel'a eisem nau hi i-chan geiya kibang'a eisem u ahidem? Hiva(Genesis 1:26) LIKENESS pen hi i-chan aseina ahidem? Ama tobang'a eisem u ahileh ama hina leh thaneina i-chan in inei diu vem? Chukitleh ama tobang'a eisem u ahileh le lang khat a eiho jong Pathen ihiu hita lou ding ham? (100% hikhel hih jong le)  Eden Garden a Adam le Eve in nehlou ding theiga aneh masang'a chu tua Genesis 1:26 pen hi valid nalai ham ahiloule theiga aneh chai lhon'a chu hiche bung-le-chang(Genesis 1:26) hi valid pan ham? Eve hi Adam nahgu a kisem ahileh Pathen mel apu nalai dem ahilouleh pasal ho bou Pathen mel'a kisem ham?  Genesis 2:17 in asei kitna a nehlou ding theiga ne kha chu thiding ati kit e. Thi malah in Adam le Eve in aneh khah lhon chu amit lam lhon aki keuvin sagoh keuva um ahilhon akihet bep lhon in ahi. Hiche hi mihemte thil-het khenna/hettheina (CONSCIOUSNESS) hung kipatna ahi.Kadoh noum chu Pathen in bolla thilhet na inei diu ajahda ahi dem?...