CELL PHONE SAFETY PRESENTATIONS

 

✒AstroMuon Kuki

(7th May, 2016) 

Tulai khang hi Digital Age/Smartphone Age ahita'n hijeh a chu kichihthei leh kiven hi thilpha tah ahiye.Mobile phone inei man'a moh jah-jah nakhang phaat ahitapoi.Leiset a object/bodies jouse'n hi radiation/electromagnetic wave pehdohna anei jiu ahi.Mihem tahsa dia hiche hi phaat louna um ah ahie. Hijehchun ka het kham-kham Mobile chungchang thu anuoiya hin kahin tah lang'e.

#Mobile phone khat apat adang kijah matthei dan:

1.Caller pa'n a call tieng leh electromagnetic field fon apat akithe thaang in hichu Base Station(BS) naipen'in ana kilah in ahi.

2.Hiche jou phat leh signal chu Base Station(BS) apat switching center(SC) achen caller leh receiver chu atah leh alhem avechil'in ahi.

3.Aban'a SC in signal chu BS(receiver side)kinaipen lang'a apephei kit e.

4.Aban kit a BS in electro magnetic wave apehdoh chu receiver mobile antenna in akilahlut e.

5.Achaina pen'a receiver in line ahon tiengle mini kikah a kihouna pendoh theiji ahi.

#Cell phone in aphalou(radiation) apieh doh daan:

1.Cell phone radiation hi cell phone antenna in muntinna athe thaang ahi.

2.Energy atamjo space lah a amansah ji-e.

3.Energy themkhat bou base station in akilah e.

4.Energy themkhat ma i-luchang uva umden ji ahi.

#Radiation mihing ho chung'a aum theidaan:

Radiation in i-luchang u atakhah tieng leh i-lugu(skull) akhovong pai jieng ahi.Mipilhing(adult) ho a 25% in akhovong pai in,kum som lah ho a 50% akhovong pai kit in chuleh kum nga lah ho a 75% akhovong pai in ahi.Chapang laisea radiation penetration hat ahi ajeh chu chapang lugu(skull) chu pathit-thet(thinner) le alhoh sung uva atwi(fluids) um pilhing sang'a lhomjoh jeh ahi.Hijeh a chu radio frequencies chapang lhoh a lutpai a,cancer veina thei chance lien ahi(Chapang ho fon hachoi sah loudi thilpha ahi).

#Cell phone radiation phatloudan(impact):

1.Luchangnat(headaches)

2.I-mutheilou(loss of sleep)

3.Lungthim mangji(Memory loss)

4.Bilkuol ginjing(Ringing ears) 

4.Gu le Chang kijopmatna na(Joint pains) le

5.Thachol/Thabei(fatigue) tiho aum ji-e.

#Radiation suhniem ding daan:

1.Mobile phone apat ahi theichan'a ki gamlat di ahi.

2.Phone pumpi khutphang'a choi hin radiation atamsah keu hilouva signal kisoldoh le receive daan jong lhasam ahi.Hijeh a chu ahi theichan'a phone ichoi tieng nuoi lang'a choiding ahi.

3.Phone a display a chu reception strength vet jing thei ahi.Reception ahoi leh phone power le radiation lhom ahi.Reception ahoilou leh power leh reception jong sang ahi.Hijeh a chu reception hoi tieng le bou choidi ahi.

4.Phone a sawttah-tah mitoh kihou leh aphatseh a phone choi lou di ahi.

#Phone jahlou dia deina mun ho:

1.Mobile phone hi gari tuol pet a thamlou di ahi.Mitoh ikihoudi leh gari kham'a houpi buoltei di ahi.

2.Electrical manchah tamna mun dammo-inn(hospitals) leh lenna(aircraft) ho thamloudi ahi.

3.Mobile phone toh kisil thalou di ahi.

4.Chapang neocha-cha na mobile ah sawttah hamsah hih in,pilhing hosang'a radiation atam pehdoh u ahi.