VANNOI KISEM DAN PHOTCHEN NA(from Big Bang Theory)

✒AstroMuon Kuki🚀🛰💫

Vannoi ki sem dan isei ding u toh kilhon in akisem poi tia tahsan jong tamtah ana um kit in ahi.Vannoi tahsan thudol mun ni a lhekhen thei ahi.
1.Vannoi  kisem  tahsan ho toh(creation)
2.Vannoi kisem poi,a itih a umjing tia tahsan ho(Materialism).

Vannoi akisem poi tia pang hetthei dom ho chu Gold,Fred Hoyle,Bondi,Karl Marx,Friedrich Engels le George Politzer ho ahiu ve.Ama ho tahsan chu "The universe exists in infinite time and because it has no beginning or end,it was not created.Everything in the universe is the result of chance and not creation" ti  ahi.Materialists tahsan hi 20th century kichai got chan vannoi mipi in ana tahsan leh pom  ahi.

Lhangvum'a khat a humpi nii um khom thei lou bang a  vannoi(universe) jong mun khat apat kipan tia tahsan toh akipatna aum poi tia tahsanna um khom thei lou ding, khat joh dih lou ding ahi. Hijeh chun Mythology ho ana ve masau te.

Chinese Mythology chun vannoi hi Cosmic Egg a kon hung kisem ati e.Infant god P'an  le Ku  ahung pen lhon apat nikhat le ft.10  akhang jing in alu lang chu Van akisoh in akeng lang leiset akisoh e akiti.Athidi kon 18,000 yrs vel chun leiset anei in,amit te nii chu Nisa(sun) le lha(moon) akisoh in,athisan chu vadung twi akisoh in,a aw chu keh (thunder) akisoh e akiti.
Japanese le Babylonian mythology chun vannoi hi twipi(ocean) apat hung kisem dan in asei in,
Polynesian mythology chun Coconut Shell kiti apat kisem dan in asei in, Greek mythology in Chaos kiti Greek pao va 'abyss'  apat atin ,chukit le Egyptians mythology chun Sun god 'Ra' kiti  floating egg akon ki semdan in asei ahi.Akimkhat chun vannoi hi Creatio ex nihilo (created from nothing) apat ki sem dan in asei uve.

Achung a hung kisei Mythology jouse hin Creation chung chang thu ngen asei uve..
20th century bul lang le masang chun materialism hi vannoi tahsan ana hie.Hiche laiya vannoi kisem dan Bible in sei jong le  Science apat evidence um lou jeh in ana chal but poun ahi.

BIG BANG THEORY

Phaat chom khat jou vin, Belgian astronomer, physicist leh Catholic priest George Lemaitre in Universe hi BIG BANG apat kisem dan ana puodoh e. Big bang hi mun khat bouva poh keh hilouva Space-Time sungse a poh keh joh ahi.
Big bang chu bang thei na dia IMAGINARY TIME assumption a kila ahi. Hiche hin trigger abawl to bang ahi.Particles um bang'a anti-particle um kit ahi. Particle chu boson leh meson kikhen kit ahi. Anti-particle ho kimu thei lou hi jong leh detect ki bawl thei hichu Lamb shift kiti ahi. Tekahna, BLACK HOLE mit a muthei hi lou, radiation apat detect ki bawl a phot chen ahi bang'a IMAGINARY TIME jong  tobang thim ahi.
Het ding TIME, SPACE leh MATTER hi Big bang ki chaiya um bep ahi.Hiche hin avetsah chu thilkhat chu ima louva pat hung um tina ahi(something came from nothing). Hiche het thiem na dia philosophy jong hung ngai ding ahi. Ipi hileh BIG BANG thu na het thiem be na ding ki post masa VANNOI KISEMDAN Part-1 vel sim in(https://astrospacetech.blogspot.com/2021/05/vannoi-kisemdanfrom-science-perspective.html)

ALBERT EINSTEIN RELATIVITY

Einstein's general theory of relativity can be summed up in just 12 words:
“Space-time tells matter how to move; matter tells space-time how to curve”

Isaac Newton in GRAVITY apuoh doh jeh in vannoi um dan eihil uve..Chomkhat jou Albert Einstein(German) le Eddington(American) in Newton's pohdoh Gravity chu velvetna anei lhon in Einstein in adihlou dan proved abawl'in hinlah  theory test ahi nai lou jeh in Observational astronomer minthang Eddington in Solar Eclipse apat evidence ana mu in "New Theory of Gravity" puoh doh ana hi tai. Hiche apat proof kibawl chu Star's light Nisa(Sun) kom aphah teng  bending ji dan ahi. Einstein's in vannoi akhel lamdang chu tu chan hin aban hin khel lamdang ding aum nai poi. Tulai tah Scientists/astronomers/astrophysicists ho'n aboipi chu Quantum physics le Theory of Relativity gop ding dan ahi. Hiche te ni kibol doh le "Theory of Everything' kiti chu inei diu ahi.

Einstein theory in asei chu Time kiti hi constant ahi poun;mijouse'n jat choum cheh inei uve. Mihem khat chu hattah a kholjin le ama TIME awl tah a che ho sang'a lhomjo ding ti ahi. Ama phat lhom joh le kum tam tah hing be ding, khangdong sot ding tina ahi(Eg.Time Dilation/Twin's Paradox). Chukeu hilouva Space hi straight hilouva Curve joh dan aseiye. Nisa(Sun) hin Mass density tamtah anei jeh a planets 8 ho'n  avelkuol thei dan hi Space-time  curvature jeh ahi.Laiya isei noum pen u chu Einstein's theory of Relativity in vannoi ki semdan(Big Bang), black holes le expanding universe ho jong predict abol dan ahi. Big bang theory adih poi iti ding u leh Einstein's Relativity dih lou dan hil chen masat ngai ding dan ahi.

BIG BANG PHOTCHEN DAN

Ahshilekhathem(Astronomers): Ptolemy,Tycho Brahe,Copernicus, Galileo Galilei, le Johannes's Kepler ho'n pan nasatah ahin lah najal uvin Big bang photchenna awl awl in akhang tou jing'e.Adehset in 1600's vel lah a khangtou lheh e. 2nd Cosmology Revolution chu Mount Wilson Observatory 100 inch. Reflecting Telescope hin kipoh doh akon evidence ahung kimu be kit in,aban'a  Modern astronomy(1920's) kipat chun Russian Physicist Alexander Friedman in 1922's in vannoi hi khangjing(expanding) dan amu doh e. 1922 le 1929 kikah chun BIG BANG THEORY ana ki podoh ahi.1929 kum chun Edwin Hubble in Telescope man cha'n vanlaijol avet le Galaxies ho khangjing(expanding) dan ana mu doh e. Hiche kah lah hin Fred Hoyle in STEADY STATE THEORY ti chu  vannoi khangjing ahivang a kikhel lou,akipatna le chaina um lou apuo doh e. Hiche jeh chun Scientist tam tah ana boi lheh in ahi. Hijeng jong leh big bang kholna  a-chal jing toh lhon  1948 kum chun MICROWAVE RADIATION chu George Gamow ana mu doh e.Hiche jou 1965 kum chun Arno Penzias le Robert Wilson in COSMIC BACKGROUND RADIATION mu doh jeh in NOBLE PRIZE IN PHYSICS jong ana kisang pai lhon'e.1989 kum in COBE(Cosmic Background Explorer) chu George Smooth le aloi hon amudoh toh lhon in Big Bang theory  adih hi dan photchet ana hi tai.

Big Bang Theory photchet ahi phat in Materialism jong abei ta'n chule Anthony Flew Pathen tahsanlou(atheist) pa'n jong Pathen tahsan(theist) ana akisoh in ahi.Dennis Sciama,Steady State Theory  ana pom pan jong akisih na thu asei in ahi.2003 kum chun vanlajol'a Satellite WMAP(Wilkinson Microwave Anisotropy Probe) vannoi(universe) lim kap dia ki sol toh lhon in 38,000yrs lai lim kap doh ana hie. Aban in 2007 kum chun European ten Planck Satellite vannoi lim map doh ding ana sol kit uvin ahi.Hiche data ho chu sim hi kit a Big Bang theory avel vel'a dih dan photchen ahie.

Astronomer Dave's asei na ah vannoi hi 10^-18 seconds ah ki khel jong leh vannoi kisem doh lou ding dan aseiye. Vannoi apuo keh hi ki toh chet dan mu doh thei ahi kit e. John Maddox,the editor of Nature(a materialist magazine) pa'n 1989 a "Down with the Big Bang' asut na chun hiti'n aseiye " Big Bang to be philosophically unacceptable because it helps theologists by providing them with strong support for their their ideas".

Hinlah christians tamjo'n Big Bang theory hi'n Bible akal in apom pouve. Hetna lhahsam jeh ahi. Science thiem(educated) Christians ho'n vang apom uve.Hiche hi Christianity leh Astronomy kigui jopna khat ahi. Christians ka he ti ho'n melchih uvin hiche apat bou Science leh religion dang tha theina bou ahi. Hiche na paimang u leh Bible abul apat dihlou hi jeng ahi. Adih ding dan justify bawl go jong leu chun Scientific world a dih lou ahi. Theologians/priests ho'n Universe kum jat hi 1 or 2 billion vel bou vin asei uve, young earth creationist ho'n jong kum 10,000 yr vel bou vin asei uve. Hiche ahi leh Big Bang kisem kum 13.7 billion yrs toh ki bang lou keu hilouva leiset kisem til 4.5 billions yrs sang'a dongjo ding na lai ahi.

Christianity phaat kit louna khat gah kisei leh Galileo Galilei prison a koi keu hilouva exile jong abawl u, Tycho Brahe jong meiya ahal lih u ahi. Galileo hi hougutmi ahi keu hilouva achanu jong Catholic Nun ahie. Ama ki bawl na jeh chu GEOCENTRIC MODEL/CHURCH LAW chu adih poun HELIOCENTRIC MODEL joh dih a asei jeh ahi. Heliocentric chu Ptolemy puoh doh hichun asei chu Leiset hi celestial bodies(sun, planets, stars, etc) in avel kuol dan asei ahi.Bible a Joshua lekhabua Pathen in Nisa ding den sah  toh ki toh model ahi. Langkhat a Heliocentric model sei chu Leiset leh celestial bodies jouse'n  Nisa avel kuol dan ahi. Tua mi jouse'n ihet soh kei tau Leiset in nisa avel kuol dan leh leiset kipei jeh a suun le jaan um a, season ki khel a, kum jong isim thei u ahi. Hiche adih dan het suoh kei u ahi. Tycho Brahe jong astronomer ahi'n ama na toh jeh a planets ELLIPSES a che dan het doh ahi. Ama hin lhangphong a Heliocentric model alhangsap jeh a vatican city a catholic ho'n ana tha u ahi. Ipi hileh Christianity thu isei noum u ahi poun isei noum pen u chu vannoi kipatna um dan joh ahi.

(Hiche post in tup-le-doi hi vannoi kisem pat na um dan joh ahi. Hiche hi'n religion tamjo tahsan toh ki tuo keu hilouva Chrstianity dia stronghold ahi. Kei hi Judaism/atheist jong ka hi poi ti hetsahna ka hin nei ahe.Curiosity mai² bou ka hie)

(Scale of cosmos:India,Earth,Solar system,Milky Way,Local Group,Virgo Supercluster,Laniaka Supercluster,Observable Universe,Parallel Universe, Multiverse universe)